Azərbaycan Respublikası Prezidentinin 2014-cü il 17 yanvar tarixli 232 nömrəli Sərəncamı ilə təsdiq edilmiş “2014-2016-cı illərdə Bakı şəhərinin və onun qəsəbələrinin sosial inkişafına dair Dövlət Proqramı”na uyğun olaraq Novxanı-Pirşağı dəniz kənarı avtomobil yolunun tikintisi layihəsi həyata keçirilmişdir.
Layihənin həyata keçirilməsi nəticəsində şəhərin şimal-şərq hissəsindən şəhərin mərkəzinə daxil olmadan Bilgəh, Nardaran, Kürdəxanı, Pirşağı, Fatmai, Goradil, Novxanı, Saray, Masazır, Xırdalan və Sumqayıt istiqamətində hərəkət etməklə, avtomobillərin Bakı –Quba- Rusiya Federasiyası ilə dövlət sərhədi və Bakı-Şamaxı-Yevlax magistral avtomobil yollarına çıxışı təmin ediləcəkdir.
YOLUN TEXNİKİ GÖSTƏRİCİLƏRİ
Yolun uzunluğu -13,5 km ;
Yolun ümumi eni -13 m;
Yolun hərəkət hissəsinin eni -9,0 m;
Hərəkət zolaqlarının sayı -2 ədəd;
Hərəkət zolaqlarının eni -2 x 4,5 m;
Çiyinlərin eni - 2x2,0 m-dir;
Səkilərin eni -2x1,0 m.
YOLUN KONSTRUKSİYASI
- Əsasın alt layı karxana materialı, qalınlığı - 50 sm;
- Əsasın üst layı, optimal qum-qırmadaş qarışığı, qalınlığı - 20 sm;
- Asfaltbeton örtük 3 laydan ibarət (8+7+5 sm) qalınlığı - 20 sm;
YERİNƏ YETİRİLƏN İŞ HƏCMLƏRİ
- Torpaq işləri görülmüşdür - 248,1 min m3;
- Beton səki daşı düzülmüşdür - 37,0 min m;
- 3 laydan ibarət 20 sm qalınlığında (8+7+5) asfalt-beton örtük tikilmişdir - 121,4 min m2;
- Yolun tikintisində asfalt-beton qarışığı istifadə edilmişdir - 58,3 min ton;
- yeni səkilər tikilmişdir - 26,0 min m2;
- Avtobus dayanacağı tikilmişdir - 4 ədəd;
-karxana qırmadaşı və qum-qırmadaş qarışığı istifadə edilmişdir - 48,6 min m3 ;
- ağ və sarı üfüqi nişanlama xətti çəkilmişdir - 6,8 min m2;
- yol nişanları və məlumatverici lövhələr quraşdırılmışdır - 101 ədəd
Novxanı-Pirşağı dəniz kənarı avtomobil yolunun tikintisini “Azəravtoyol” ASC-nin “Bakı 3 №-li Yol İstismarı” MMC-nin kollektivi yerinə yetirmişdir.
