Azərbaycan Respublikası Prezidentinin 2014-cü il 30 avqust tarixli sərəncamına uyğun olaraq 12 min nəfər əhalinin yaşadığı 11 yaşayış məntəqəsini birləşdirən, ümumi uzunluğu 23,0 km olan Füzuli rayonunun Birinci və On birinci Qayıdış qəsəbələrarası avtomobil yolunun tikintisinə başlanılmışdır.
Azərbaycan Respublikası Prezidentinin 2016-cı il 20 avqust tarixli 2278 nömrəli sərəncamına uyğun olaraq Füzuli rayonunun Birinci və On birinci Qayıdış qəsəbələrarası avtomobil yolunun tikintisinin başa çatdırılması “Azəravtoyol” Açıq Səhmdar Cəmiyyətinə həvalə edilmiş və avtomobil yolunun bərpası və tikintisi işləri başa çatdırılmışdır.
Avtomobil yolu 2 hissədən ibarət olmaqla uzunluğu 23 km-dir və III – IV texniki dərəcəyə uyğun olaraq layihələndirilərək tikilmişdir.
Avtomobil yolunun əsas göstəriciləri
I Hissə: Qayıdış-Yeni Yurd
Yolun uzunluğu – 20,5 km
Yolun texniki dərəcəsi – III
Hərəkət hissəsinin eni bərkidici zolaq ilə –7,0 m
Hərəkət zolaqlarının sayı -2 ədəd
Hərəkət zolağının eni - 3,5 m
Çiyinin eni - 2 x 2,5 m
Torpaq yatağının eni – 12,0 m
II Hissə: Yeni Yurd-Xocavənd
Yolun uzunluğu – 2,5 km
Yolun texniki dərəcəsi – IV
Hərəkət hissəsinin eni bərkidici zolaq ilə – 6,0 m
Hərəkət zolaqlarının sayı - 2 ədəd
Hərəkət zolağının eni - 3,0 m
Çiyinin eni - 2x2,0 m
Torpaq yatağının eni – 10,0 m
Yolun konstruksiyası:
- Əsasın alt layı layı – karxana çınqılından, qalınlığı - 18 sm;
- Əsasın üst layı -optimal çınqıl qarışığı, qalınlığı - 15 sm;
- Asfaltbeton örtük 2 laydan ibarət (4+4 sm) qalınlığı - 8 sm;
Aşağıda göstərilən işlər yerinə yetirilmişdir
-Yolun əsasının və çiyinlərin tikintisinə ümumilikdə çınqıl və qum-qırmadaş qarışığı sərf edilmişdir - 122,8 min m3;
- Müxtəlif diametrli su ötürücü borular tikilmişdir - 21 ədəd;
-Yolun 2+600 km-də Yuxarı Mil kanalı üzərində qəzalı vəziyyətdə olan uzunluğu 18m, eni 12m olan körpü əsaslı təmir olunmuşdur;
- 2 laydan ibarət asfalt-beton örtüyün tikintisinə - 30,4 min ton asfalt-beton qarışığı sərf edilmişdir;
-144 ədəd müxtəlif yol nişanları və 38 ədəd göstərici lövhələr quraşdırılmışdır;
- Bütöv və qırıq-qırıq olmaqla sarı və ağ rəngdə xətlər çəkilmişdir – 68,1 km.
Bu yolun tikilməsi 12 min nəfər əhalinin yaşadığı 11 yaşayış məntəqəsini birləşdirərək yük və sərnişin daşımasını xeyli yaxşılaşdırmağa imkan verəcəkdir.
Füzuli rayonunun Birinci və On birinci Qayıdış qəsəbələrarası avtomobil yolunun tikintisinin başa çatdırılması “Azəravtoyol” Açıq Səhmdar Cəmiyyətinin “38 № - li Yol İstismarı” MMC tərəfindən yerinə yetirmişdir.
