“Ağ şəhər” layihəsi çərçivəsində “Yaşıl Ada və Villa Zonası” adlanan ərazidə ümumi uzunluğu 2 km-ə yaxın əsas və kəsişən bir-neçə küçədə aparılan yenidənqurma işləri yekunlaşdırılıb.
Tikinti işlərinin yekunlaşdığı küçələr bunlardır:
- Xəqani Rüstəmov küçəsinin 520 m-lik hissəsi;
- 1-ci Yaşıl ada küçəsinin 420 m-lik hissəsi;
- 2-ci Yaşıl ada küçəsinin 450 m-lik hissəsi;
- Bu küçələrlə kəsişən və hər birinin uzunluğu 113 m olan 4 və 70 m uzunluğunda olan 1 kiçik küçə.
Yenidən qurulan küçələrin əsas göstəriciləri:
Ümumi uzunluğu - 1912 m
Yolların ümumi eni - 16-47 m
Hərəkət zolaqlarının sayı - 2-4-6 ədəd
Piyada səkilərinin eni - 3-6-10 m
Yolun konstruksiyası:
- Əsasın alt layı layı, optimal tərkibli karxana materialından qalınlığı - 40 sm;
- Əsasın alt layı layı, optimal qum-qırmadaş qarışığı, qalınlığı - 27 sm;
- Əsasın üst layı -optimal qırmadaş qarışığı, qalınlığı - 25 sm;
- Asfaltbeton örtük, 3 laydan ibarət (15+8+4 sm) qalınlığı - 27 sm;
Yerinə yetirilmiş işlər:
Tikinti sahəsində mazutlu və texnogen mənşəli qruntların yerləşməsi səbəbindən bu çirklənmiş materiallar 2,0 m-dək dərinlikdə yol geyiminin alt hissəsindən qazılıb çıxarılıraq ərazidən daşınmışdır.
- Yararsız materialların qazılaraq ərazidən daşınması - 1,2 milyon m3 ;
- Karxanadan yararlı material daşınmışdar - 1,0 milyon m3 ;
- Qum-çınqıl və optimal qırmadaş qarışığından əsasın tikintisi - 37,4 min m3 ;
- 3 laydan ibarət (15+8+4 sm) asfalt- beton örtüyün 27 sm qalınlığında tikintisi - 38,9 min ton;
- Qranit mərmər səki daşı düzülmüşdür - 15,0 km ;
- Səkilərdə bəzək daşları düzülmüşdür - 20,0 min m2 ;
- İşıqlandırma sistemi quraşdırılmişdir - 500 dirək;
- Yol nişanları quraşdırılmişdir - 200 ədəd;
Piyada keçidləri
Xəqani Rüstəmov Küçəsi İlə Nobel Prospektinin və kəsişməsində tikilən 2 ədəd yeraltı piyada keçidləri eyni ölçülərə malikdir:
- Uzunluğu- 220 m
- Eni- 8 m
- Hündürlüyü- 3,2 m
- Eskalatorların sayı- 8 ədəd
Qeyd edək ki,“Ağ şəhər” ərazisinin yol şəbəkəsi ümumi uzunluğu 22,3 km olan və eni 16,0 m- dən 47, 0 m-ə kimi dəyişən 63 küçədən və yeni tikilən 2 piyada keçidindən ibarətdir.
Avtomobil yollarının tikintisi “Azəravtoyol” Açıq Səhmdar Cəmiyyətinin “Bakı 2 № - li Yol İstismarı” MMC tərəfindən yerinə yetirilir.
